किमती माल (बंजारा साकी)
(0 User reviews)
114
7
गोरबोली
किमती माल (बंजारा साकी) - विशाल लूणसावत
राघूर नवाटीवाळे वावरेम पाच छो दनेर आंपडीयाज तूर खळो कीदेते जेर कारण काळेभूर वावरेम तूरीर वीत खूटीवूड मूंढो फाडरीती, खळेर जाग तूरीर कूट काटन दूरगो जको कटार बेकडी उगला वेन पडोतो आन तूटी केरी तोयी मांडवार न तो तटार मालकण वेयेर वाट जोवरीती परभातीर पोर सीमारेम बांढो कतरा भी कोनी र पणी येक माटी खाळीवार आदीवछा बलद गाडी छोडन धोतीरो खोलो चढान बारदानेर गूंढाळा मातेम लेन राघूर खळेसामू सपड सपड आरोतो, खळे कन आताणी चोर नजरेती चारीवडीरो आंदाजो काडन मातेपरेर बारदानेर बोजाहालको कीदो को कसेर घायी र को बापडान ? देकतू देकतू वीस पचीस बारदानेम तूरीर कटार भर भूरान गाडीम भी मेलन आवगो.
There are no reviews for this eBook.
There are no comments for this eBook.
You must log in to post a comment.
Log in
