गोर सीकवाडीर हसाबेती कूळीर नायकीसारू.....

गोर कुळी घेनेम लेन नायकी मळायेसामू येक वेक पावल आंग बांळू कतो गोर सीकवाडीर हेत धेनेम लेन जगेवागेवाळ सोबती कतराक जूडेच, नाळी नाळी दळेर होकापत लेन कोसा काडेवाळ सोबती कतराक जुडेच, उरे नको नेम कतराक अन कूं पूरे हेते छ जेरो हसाब धालंळू, गळती करंळू नायकीसामू आपंळ कतराक आंग बड़े? कतराक काम हियो ? कतराक हियो कोनी, काहा हियो कोनी येरो वरसेर वरस समंळ घालते दनेती दन हेतेसाम् येक येक थप नाकते रेंळू गरजेर छ. समंळ घालते, 05 डिसेंबरेन नायकीर सोगन लेते रे.

01) गोर नगरीती भारत देश अन दनियाम जत गोर बसरे वत ये वचार लेजायेबाळो कर्मचारीरो दळ कतोच 'गोर सीकवाडी'.

02) गोर नंगरीती सर्कल, तालुका, जिला, विभाग, देश धेनेम लेन गोर सीकवाडीर वचारेसारू अन हेतेसारू लडेवाळ लावालसकरेर दळ कतोच 'गोर सेना'

03) गोर सीकवाडीर हेत पूरो करेसारू आंग आयी जको हरेक नगरीमांयीरी नायकंळ कारभारळ डायीसांळी याडी भेनेर दळ कतोच 'नायकंळ कारभारंळ डायीसांळीर मेळो'.

04) गोर कूळीर बाते वचार धेनेम लेन गोर सीकवाडीर हेत पूरो करेसारू आंग आवरे जको बाप भायी सगासेंळेर दळ कतोच 'नायक कारभारी डायेसांळेर मेळो'.

05) गोर कूळीर वाले वचार धेनेम लेन गोर सीकवाडीर हेत पूरो करेसारू गीदेवडिती वचार पंचायेवाळे गोर गावंळियार दळ कतोच 'गोर गावेळियारो मेळो'.

06) कुळीर वाते वचार धेनेम लेन गोर सीकवाडीर हेत पूरो करेसारू आंग आतांळीन नंगरी जंगरीम गोरूर छिछापरून वळण लगायेसारू झटेवाळ सोबती कतो 'वळावुआ'.

07) कूळीर वाते वचार धेनेम लेन गोर सीकवाडीर हेत पूरो करेसारू गोर सीकवाडीर वचार मलके मलकेम पंचायेसारू, गोर सीकवाडी कटमाळेर खबर कळायेसारू 'पाक्षिक केसूला'.

08) कूळीर हेत पूरो करेसारू गोर सीकवाडीर बचारेती जूडोजाडो, आची बला घडीम सोबत रेयेवाळ, हेतेसारू छँडीनांयी सोबत रेयेवाळो वेळापर आयोना बळेवाळो 'सोबती'.

09) गोर कूळीर वाते वचार धेनेम लेन गोर सीकवाडीर हेत पूरो करेसारू नवकरी सारन घरेन आवगे (Retired) डायेसांळे गोरुरो 'सतगरू सेवालाल सतसंग मेळो' बळान सतगरू सेवालाल सत वचार फेरी काडते गोरूरो मन मातो बंळायेवाळ.

10) लकंळी सीकरे जे लावालसकरेर लकंळी सीकतूवंळार जांच कम करेसारू, हक आदेकार मळायेसारू, गोर सीकवाडीर वचार लावलसकरेम पंचायेसारू 'गोर लावालसकरेर मेळो',

11) गोर सीकवाडीर हेत, कूळीर बचार, सीकवाडी, बेयीबाट, गोर नायक, गोरूर नायकी धेनेम लेन ग्रंथ (साहीत्य / पुस्तक) लकेवाळ सोबतीर दळ कतो 'लकेवाळे गोरूर मेळो'.

12) गोर कूळीर गरज धेनेम लेन गोर सीकवाडीर हेतेवाळ 'भगत महाराजेवर दळ'.

13) वादावादी कम करेसारू, हेगो जको वांदो मिटायेर सीक देयेर होकापत लेयेवाळ 'नसावी.

14) गोर सीकवाडी, गोर कूळी नेम लेन नेमेम रेन वचार पचारेवाळ 'वचारी',