वीया नातरार फेरा 🙏🏳️

पेनार बाप दादा वीया नातराम जे फेरा 
फरातेते वो Anticlockwise कतोज 
जमळें बाजुती डकने बाजु साम फेरातेते 🙏

पळ आजेर आलमदनीयामा लोकुर देखन
आपळ सीकगेछा की फेरा Clockwise 
कतोज डकने बाजु सामती जमळे बाजू 
साम फेरावच 🙏

पेनार बाप दादा ये वातेन वलटो केतेतै 

फेरा फरेरेरो केपरती ठराये:-

1)चोको
2)साकीया
3)पीलोळीर वेल
4)नेरती (प्रथ्वी)
5)घटी 

वुचेरी पाच वाते परती फेरा फरेन सुरुवात
किदेच कतोज ये पाची वाते Anticlockwise
फरच अन सवतार बाजुतीच फरच 

चांदा सुरयान धेनेम लेन फरच 
सोठा अन मुसळ येन चांदा सुरया
केन मानमेलेच अन वोर बाजुती 
फेरा फेरच 

चांदा सुरया जु ये जगेम आमर छ जु 
सोठा अन् मुसळ भी आमर रेणु केन 
पेनार बापदादा र् केळो र 

वुचेरी पाच वाते कु अन केवडती केवडी 
फरच यी तम जाळो छाळो पचच माणो

गोर धाटी वहीवाट संस्कृती नकता ये 
आलमदनीयाती नाळी छ अन मजबुत छ

आपळ लोक आपळी वाते मारते अन 
दाबते आरेच अन लोकुर वाते सीकरेच 

केळावट:-
बाप दादा कछ कुळीन सवायी दोडीती
घडायेस बडायेस अन ये दनीयाम टीकायेस

तो सैन मारोजा आपळी वाते आपळ 
जाळा छाळा अन पचच आपळ माणा 
जे वाते मालम छेयी वो वाते सीका अन 
सीकावा मालम न वीय तो टीक टीपनी 
करेर आधेकार आपळेन छेयी 🙏 

बाकी आजी घणी वाते छ 
वोपर समळ घाला अन आंग बडाला

तळनोट:-
वुचेर वातेप केरी कळजो फेफडो दुको वीय
तो हेट मारो नंबर छ बोल सकोचो 😊 

सोबती अनमोल राठोड खाटरोत ✍️
रामळगाम तांडो कटमाळो 💪

संकलन - अनिश नायक वाशीम