दसराव (Dasarav)
दसराव
दसराव मनजे कायी ?
दसराव काहा किदे ?
कोळे तारा क गोळे तारा ?
आरत वतारणु क आरती करणु ?
देवी धोरणु क देवी वजळाण लाणु ?
मरयामा कतो कायी ?
चोको काडच क चोको पुरच ?
चोको कतो कायी ?
आसै घणै सारे परसन छ पळ वुतर छेयी
क्रांतीसुर्य कासीनाथ नायकडा केन चलगो
तमार दादा घीसायो
तमार बाप भी घीसायो
तम भी से घिसायो
अन तमार बेटा पोत भी घीसाय
जुछ दसराव दादा भी किदो
बाप भी कीदो तम भी किदे
अन् तमार बैटा पोत भी करेवाळ
पळ पळ पळ
काहा कीदे कनाती कीदे
करेर कारण कायी यी वात
कोयी धेन करेनी समळ घालेनी
आयवाळ पीडीन कायी वुतर दियो
जर वु पीडी तमेन वुचेर परसन कीदी
केनी कायीच मालम छेयी किदे कायी किदे
जर आपळ परसनच करीया कोनी
समळ घालीया कोनी तो यी वात कायी
दने बाद लोकुन सामळन बंद वेजावाळ
अन आपळ पकके जांगड बळजावाळ
कतोच न गोर रीया न कोर रीया
वोर सारु केरोचू मालम करलो
आपळ वाते आपळेनच मालम छेयी
जाळो छाळो पचच माणो
