ये घडीम केंळू करन,

गोर कूळी धेनेम लेन, याडी मरीयामान नवळ करन, गोर कूळीम हेन चलेगे जे वेराळू नायक नायकंळ कारभारी कारभारळ डायीसांळी डायेसांळेन हारद करन 'नायकी मळायर छ करन लकळो लकरोचू गोर सीकवाडीवडिती नाळी नाळी नेम ठेराते कारीया घडाते छां. वो वो घडीर कारीया काहा लेरे ? कांयी कररे ? जको परवांळा लकन नितो कारीयार नेम पूरो  करतू ळा जापाती जापा वाते वचार पूंचायेर कसोसी किदे अन करते छां.

2001 ती काम करते छां तो आपळ काम कतराक किये ? कतराक गोरूतांळी पूंचे ? कतराक गोर आपळी वातेपर धेन देते छ ? कतराक गोर जूडते छ ? होकापत वटायेसरीक कतराक बेळगेच ? ये वाते कूळीर हीतेरी छ क छेनी ? गोरूर इमान जागतो छ कोनी देके-समजेसारू 1) 15-16 आक्टोबर 2011 न 07 राज्येर गोर मळाव जालना महाराष्ट्रेम लिदे. वोरआंग 2) 24-25 नोव्हेंबर 2012 न रूईगड ता. दिग्रस, जि. यवतमाळ, महाराष्ट्रेम 07  राज्येर सतगरू सेवालाल सतसंग, 3) 4-5 डिसेंबर 2015 गोर सेनार (लावलसकरेर) मळाव  14 राज्येर गोरूर पोरीयागड ता. मानोरा, जि. वाशिम, 4) गोर गावंळियार मळाव गराशागड ता. मेहकर,जि. बुलडाणा 24-25 नोव्हेंबर 2017, 5) नायकंळ कारभारळ डायीसांळी याडी भेनेर मळाव गराशागड ता. मेहकर, जि. बुलडाणाम 24-25 नोव्हेंबर 2018, 6) 12-13 आक्टोबर 2019 न बहादूरबंडा ता. जि.कोपळ, कर्नाटक, 07) 24-25 नोव्हेंबर 2019 न लोकालाल ठांळो मदूर मंडल, जि.नारायणपेठ, तेलंगाणाम कारीया पाच पाडे.

गोर सीकवाडी नामेर दळ चलातू ळा कूळीर गरज धेनेम लेन आजी 04 दळ बळाये. जसो क, गोर सेना, गोर गावंळीयारो मेळो, नायकेळ कारभारळ डायीसांळीरो मेळो, नायक कारभारी डायेसांळेर मेळो ये दळ काहा बळाये जको धेनेम लान देयेसारू जेरवोर दळेर नामेती पुस्तक लकेम आयेच. ये दळ बळान चलातू, नाळी नाळी कारीया पूरो करतू करतू कयीक वाते घडी, कयीक वाते नंजरेम आयी वो वकतेर गरज धेनेम लान देयेसारू  कांयी नेम ठेरान काम / कारीया किदे अन वो वो घडीरी से वाते धेनेम लान देयेसारू 1) गोर वळक,2) नायकी गमाती छ !, 3)निवडणूक काहा लडे ?, 4) गोर सीकवाडीर नेम, 5) समंळ, 6) वरसेर नेम, 7) गोरूर हाल, 8)आपळ कूळ ? 9) गोर सीकवाडीर गरज, 10) केसूला मोराये, 11) वगम, 12) आरदास यिंळती लकन वजाळेम लाये. काहातो वो वो वाते, वो वो घडीम धेनेम लान देंळू, कूळीसारू अन गोर सीकवाडीसारू गरजेरो र छ.